UFC жартылай орта салмақтағы чемпионы Белал Мухаммад Шавкат Рахмоновпен көз түйістірді. Бұл туралы KAZ.NUR.KZ хабарлайды.
Бүгін, 8 желтоқсанда Шавкат Рахмонов АҚШ-тың Лас-Вегас қаласында өткен UFC 310 турнирінде ирландиялық файтер Иэн Мачадо Гэрримен кездескен болатын. Бес раундқа жоспарланған кездесуде Шавкат Рахмонов төрешілердің бірыңғай шешімімен жеңіске жетті.
Осы кездесу аяқталғаннан кейін октагонға UFC-дің жартылай орта салмақтағы чемпионы Белал Мухаммад көтеріліп, Шавкат Рахмоновпен көз түйістірді.
"Мен бұл жекпе-жекке қатты толқып тұрмын. Жанкүйерлер мені қолдамаса да, сіздер жылайтын боласыздар", - деді Белал Мухаммад.
"Жекпе-жекке дайындал, бұл жолы жарақатсыз кел", - деп жауап қайтарды Шавкат Рахмонов.
Айта кетейік, Шавкат Рахмонов бастапқыда UFC 310 турнирінде жартылай орта салмақтағы UFC чемпионы Белал Мухаммадпен титулдық жекпе-жекке шығуы керек еді. Бірақ Белал Мухаммад инфекция жұқтырып алып, кездесу өтпейтін болды.
Мақаланың түпнұсқасы: https://kaz.nur.kz/sport/mma/2197628-shavkat-rahmonov-kezdesuden-bas-tartqan-ufc-chempionymen-oktagonda-koz-tuiistirdi-video/
