Асу Алмабаев алған жарақаты туралы мәлімдеме жасады

Ең жеңіл салмақтағы ММА шебері, үздік қазақстандық жауынгер Асу Алмабаев Мексикадағы турнирдің басты бәсекесінен бас тартуға себеп болған жарақаты туралы мәлімдеме жасады, деп хабарлайды KAZ.NUR.KZ.

Асу Instagram желісіндегі парақшасында қолына гипс салынған сәтінен фото жариялап, болған жайт туралы айтты.

"Жағдай осылай, ұшуымызға екі күн қалғанда қолдан жарақат алып қалдық. Жарақат айтып келмейді. Кіммен шықсам да, қандай жағдай болмасын, жекпе-жектен ешқашан бас тартып көрмедім. Дайындық жақсы деңгейде болып жатқан. Болар іс болды, қанша жер тепкілесең де жайтты өзгерте алмаймын", - деді Асу Алмабаев.

Боксшы келісімшарт бойынша әлі бес жекпе-жек өткізуі керек екенін және келісім мерзімі ұзартылғанын айтты.

"Әлі талай қызықты майдан күтіп тұр", - деді ол.

Естеріңізге сала кетейік, бүгін Асу Алмабаев жарақатына байланысты 28 ақпанда Мехико қаласында өтетін UFC турнирінің басты кездесуінде Брэндон Мореномен жекпе-жекке шықпайтыны белгілі болды.

Посмотреть эту публикацию в Instagram

Публикация от Асу Алмабаев (@asu_zulfikar57)

Мәтіннен қате тапсаңыз, бізге жазыңыз