Париж Олимпиадасының күміс жүлдегері Нариман Құрбановқа көлік берілді (видео)

Отандық компания Олимпиада ойындарының күміс жүлдегері Нариман Құрбановқа автокөлік сыйлады. Ақпарат Қазақстан гимнастика федерациясының Instagram желісіндегі ресми парақшасында жарияланды.

Айта кетейік, Нариман Құрбанов Париждегі жазғы Олимпиада ойындарының күміс жүлдегері атанды. Ол Қазақстан қоржынына спорттық гимнастикадан Олимпиада ойындарының тарихи жүлдесін салды.

"Қазақстандық Allur автомобиль компаниясы оған жаңа Skoda Kodiaq көлігін сыйлады. Осылайша, Нариманның Қазақстан спортының тарихына қосқан үлесі бағаланып отыр", - делінген ҚГФ ресми парақшасында.

Қазақстан гимнастика федерациясы аталған компанияға отандық спортқа қолдау білдіргені үшін алғыс айтты.

Посмотреть эту публикацию в Instagram

Публикация от Instagram

Айта кетсек, бұған дейін Олимпиаданың күміс жүлдегері Нариман Құрбанов KAZ.NUR.KZ порталына эксклюзив сұқбат берген.

Сол кезде спортшы әзірге ешқандай сыйлық немесе марапаттар берілмегенін, дегенмен бұл маңызды емес екенін, уақыты келгенде бәрі болады деп ойлайтынын айтқан.

Мәтіннен қате тапсаңыз, бізге жазыңыз