2026 жылғы қысқы Олимпиада: Қазақстан құрамасының толық құрамы белгілі болды
Опубликовано:
Италияның Милан және Кортина-д’Ампеццо қалаларында өтетін 2026 жылғы қысқы Олимпиада ойындарына қатысатын Қазақстан құрамасының толық құрамы белгілі болды. Бұл туралы Туризм және спорт министрлігіне сілтеме жасаған KAZ.NUR.KZ хабарлайды.
2026 жылғы 6-22 ақпан аралығында Италияда өтетін XXV қысқы Олимпиадаға Қазақстан құрамасының сапында 36 спортшы қатысады.
Қазір Қазақстан еншісінде келесі спорт түрлерінен лицензия бар:
- Фристайл-могул – Павел Колмаков, Юлия Галышева, Аяулым Әмренова, Анастасия Городко;
- Фристайл-акробатика – Дінмұхаммед Райымқұл, Шерзод Хаширбаев, Роман Иванов, Асан Асылхан, Аяна Жолдас;
- Биатлон – екі ер, екі әйел спортшы (баратын спортшылар есімі ұлттық құрама бапкерлер кеңесінен кейін анықталады);
- Тау шаңғысы спорты – Ростислав Хохлов, Александра Скороходова;
- Шаңғы қоссайысы – Шыңғыс Ракпаров;
- Шаңғы жарысы – Әмірғали Мұратбеков, Наиль Башмаков, Виталий Пухкало, Анна Мельник, Дарья Ряжко, Ксения Шалыгина, Надежда Степашкина;
- Шаңғымен тұғырдан секіру – Данил Васильев, Илья Мизерных;
- Конькимен жүгіру спорты – Евгений Кошкин, Кристина Силаева, Елизавета Голубева, Надежда Морозова, Арина Ильященко;
- Шорт-трек – Абзал Әжғалиев, Денис Никиша, Ольга Тихонова, Яна Хан;
- Мәнерлеп сырғанау – Михаил Шайдоров, Софья Самоделкина.
Министрліктің мәліметінше, бұл тек 2025-2026 жылғы маусымдағы лицензиялық кезеңдер нәтижесіндегі көрсеткіш. Алдағы уақытта Халықаралық Олимпиада комитетінің есебінен қосымша жолдамалар берілуі мүмкін.
Олимпиада лицензиясына қатысты қорытынды ақпарат қаңтардың аяғында белгілі болады.
Айта кетелік, Милан және Кортина-д’Ампеццо қалаларында өтетін XXV қысқы олимпия ойындарына әлемнің 93 елінен 3 500-ден астам спортшы қатысады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/olympiad/2333277-2026-zhylgy-qysqy-olimpiada-qazaqstan-quramasynyng-tolyq-quramy-belgili-boldy/