Қазақ редакциясының басшысы

Олимпиада-2026: Қазақстан туын көтеріп шығу мәртебесі кімге бұйырды (фото)

Опубликовано:Бүгін, 07 ақпан 2026, 10:06

Қазақстан құрамасының өкілдері Италияның Милан және Кортина-д'Ампеццо қалаларында өткен 2026 жылғы Олимпиада ойындарының ашылу салтанатындағы спортшылар шеруіне қатысты, деп хабарлайды KAZ.NUR.KZ тілшісі.

Тарихта алғаш рет бұл іс-шара бір уақытта бірнеше жерде өтті. Қазақстандық спортшылар Милан, Ливиньо және Предаццо қалаларындағы спортшылар шеруіне қатысты. Командалар шеруі дәстүрлі түрде алфавиттік тәртіппен өтті. Ұлттық құрама Kazakistan атауын көтеріп, шеруде жүріп өтті, бұл еліміздің атауының итальян тілінде жазылуы.

Қазақстан құрамасының туын Миланда – ең көп марапатталған шорт-трекші Денис Никиша, ал Ливиньода – фристайл-могул өкілі Аяулым Әмренова көтеріп шықты.

Никиша — шорт-тректен (500 метр) екі дүркін әлем вице-чемпионы. Әмренова - фристайл бойынша ұлттық құрама мүшесі және 2025 жылғы Универсиаданың параллель могулдан күміс жүлдегері.

Қысқы Олимпиада ойындарында Қазақстан намысын сегіз спорт түрінен барлығы 36 спортшы қорғайды.

Еске салсақ, 7 ақпанда Қазақстан атынан шығатын спортшылардың алғашқы легі Италияда өтетін 2026 жылғы қысқы Олимпиада ойындарына қатысады. KAZ.NUR.KZ Астана уақыты бойынша жарыс кестесін назарға ұсынды.

Мәтіннен қате тапсаңыз, бізге жазыңыз