Қазақстандық шаңғышылар 2026 жылғы Олимпиада ойындарында командалық спринт финалына өте алмады

Италияда өтіп жатқан 2026 жылғы қысқы Олимпиада ойындарында шаңғы жарысынан командалық спринт сайысының іріктеуі өтті, деп хабарлайды KAZ.NUR.KZ тілшісі.

Әмірғали Мұратбеков пен Наиль Башмаков командалық спринт сайысына қатысты. Қазақстан ерлер құрамасы шаңғы жарысынан финалға өте алмады.

Іріктеу кезеңінде қазақстандық шаңғышылар 6:35.34 уақыт көрсеткішін тіркеп, 27-орынға тұрақтады. Бұл нәтиже финалға жолдама алу үшін жеткіліксіз болды.

Айта кетейік, финалға 15 үздік команда өтті.

Бұған дейін осы дисциплинада Надежда Степашкина мен Дарья Ряжко да іріктеу кезеңінен өте алмаған еді.

Командалық спринттен финалдық жарыстар да 18 ақпанға жоспарланған.

Мәтіннен қате тапсаңыз, бізге жазыңыз