Қазақстан тумасы қысқы Олимпиада ойындарының чемпионы атанды (фото)

Пхенчхандағы қысқы Олимпиада ойындарында биатлоннан 4х6 шақырымдық әйелдер эстафетасының жеңімпаздары белгілі болды. Сапында Қазақстан тумасы бар Беларусь құрамасы осы сында жеңімпаз атанды, деп хабарлайды Baq.kz-ке сілтеме жасаған NUR.KZ.

Мәре сызығын екінші болып Швеция, үшінші Франция кесті. Қазақстандық биатлоншылар 14-орынға тұрақтады.

Айта кетейік, Динара Әлімбекованың әкесі – қазақ, анасы – беларусь. Спортшы қыз 1996 жылы Қарағанды облысындағы Абай қаласында дүниеге келген.

Үш жасында Динараның отбасы Беларусь еліне қоныс аударған. Сол жерде биатлонмен айналыса бастаған.