Белгілі ресейлік спортшы 20 жасында қайтыс болды

Жағажай волейболынан жасөспірімдер арасындағы Еуропа чемпионатының қола жүлдегері Иван Осипов 20 жасында өмірден өтті.

Бұл ақпаратты Бүкілресейлік волейбол федерациясы Telegram арнасында растады.

"Алты күн бұрын Ваня жантүршігерлік апатқа ұшырады және осы уақыт аралығында ол комада жатты. Дәрігерлер спортшыны құтқара алмады", - делінген хабарламада.

Бүкілресейлік волейбол федерациясы марқұмның туыстары мен жақындарына көңіл айтты.

Айта кетейік, марқұм Анатолий Василенкомен бірге 2019 жылғы жасөспірімдер арасындағы Еуропа чемпионатының қола жүлдесін жеңіп алған.

Мәтіннен қате тапсаңыз, бізге жазыңыз