Қазақстандық теннисші қыз ресейлік қарсыласынан жеңісті жұлып алды

Астанада теннистен ITF World Tennis Tour "BeeTV 60 Women's" бәсекесі жалғасуда. Қазақстандық Гөзал Айнитдинова турнирдің екінші кезеңіне өтті, деп хабарлайды федерацияның ресми сайты.

Қазақстандық теннисші бастапқы кездесуін әлемнің 254-ракеткасы, ресейлік Мария Тимофеевамен өткізді.

Бірінші партияда ресейлік спортшы 6:3 есебімен басым түсті. Екіншісінде Гөзал тізгінді қолға алды - 6:1.

Үшінші, шешуші сетте Гөзал тай-брейкте жеңісті жұлып алды - 7:6 (7:3).

Айнитдинова ширек финалға шығу үшін әлемнің 136, жарыстың 1-ракеткасы, жапониялық Моюка Учижимамен кездеседі.

Сондай-ақ, Жібек Құламбаева польшалық теннисшімен бірге жұптық сындағы жартылай финалға жолдама алды.

Мәтіннен қате тапсаңыз, бізге жазыңыз