Қазақстан теннис құрамасы Польшамен өтетін матчқа дайындықты қайда жасайды

Қазақстан әйелдер құрамасы елордадағы Beeline Arena Ұлттық теннис орталығында 14-15 сәуірде Билли Джин Кинг кубогы іріктеу кезеңі аясында Польшамен өтетін матчқа дайындықты бастады, деп хабарлайды Қазақстанның теннис федерациясы.

Белгілі болғандай, қос құрама ойыншылары Астанаға келіп, жаттығуға кіріскен.

Алғашқы болып топырақ төсенішіндегі кортты Анна Данилина мен Юлия Путинцева байқап көрді.

Ойындар 14-15 сәуір күндері Астана уақытымен 13:30-да басталады.

Алғашқы күні екі жекелей сындағы кездесу жоспарланған. Ал 15 сәуірде екі жекелей және бір жұптық сындағы бәсеке нәтижесінде жеңімпаз команда анықталып, командалық әлем чемпионатына жолдама алады.

Мәтіннен қате тапсаңыз, бізге жазыңыз