Күрестен Қазақстанның әйелдер құрамасы Испанияның Ла-Нусия қаласында өтіп жатқан 17, 20 және 23 жасқа дейінгі санаттағы Jovenes Promesas халықаралық турнирінде он медаль жеңіп алды, деп жазады Спортты дамыту дирекциясы.
Қуаныш Жақсыбай баптайтын отандық спортшылар байрақты бәсекеде ел қоржынына 8 алтын 2 күміс медаль салды.
50 келідегі Эллада Махяддинова, Аяжан Маркашева (53 келі), Айнұр Әшімова (55 келі), Нилуфар Раимова (57 келі), Гүлдана Бекеш (59 келі), Тыныс Дубек (62 келі), Альбина Қайыргелдинова (65 келі) және Анастасия Панасович (72 кг) алтыннан алқа тақты.
Екі күміс медальді Ирина Кузнецова (62 келі) мен Іңкәр Жанатаева (76 кг) жеңіп алды.
Осылайша, командалық есепте қазақстандық балуандар 2-орынға ие болды.
Мақаланың түпнұсқасы: https://kaz.nur.kz/sport/other-sports/2017956-otandyq-sportsylar-ispaniyada-otken-bedeldi-turnirde-10-medal-zenip-aldy/
