Халықаралық Олимпиада комитетінің басшысы Томас Бах трансгендерлердің Олимпиадаға қатысуына қатысты пікірін айтты. Бұл туралы ТАСС агенттігіне сілтеме жасаған KAZ.NUR.KZ хабарлайды.
ХОК президентінің пікірінше, трансгендерлердің Олимпиадаға қатысуына қатысты шешім зерттеулер нәтижесіне сүйеніп, адам құқықтарын бұзбауы қажет.
Айта кетелік, бұған дейін бірнеше халықаралық федерация әйелдер арасындағы бәсекеде трансгендерлердің қатысуына тыйым салған. Өткен аптада Халықаралық велосипедшілер одағы дәл осындай шектеу қойған болатын.
"Мұндай мәселемен өзіндік ережесі және ерекшеліктері бар халықаралық федерациялар айналысуы керек. Бірақ бұл жерде адам құқығы мен трансгендер спортшылардың пікірі де тапталмауы тиіс. Ең соңында дұрыс шешім қабылдау үшін қажет бұл", - деді Халықаралық Олимпиада комитетінің президенті Томас Бах.
Мақаланың түпнұсқасы: https://kaz.nur.kz/sport/other-sports/2029210-xalyqaralyq-olimpiada-komiteti-transgender-sportsylardyn-zarysqa-qatysuyna-tyiym-sala-ma/
