Олимпиада чемпионы атанған спортшы қатерлі дертке шалдығып, спортпен қоштасты

Гандболдан Рио Олимпиадасының чемпионы, ресейлік Владлена Бобровникова спорттық мансабын аяқтады. Бұған оның қатерлі ісікке шалынағаны себеп болған, деп хабарлайды ТАСС агенттігіне сілтеме жасаған KAZ.NUR.KZ

"Владлена ресми түрде мансабын аяқтады. Қазіргі таңда ол оңалту процесінен өтуде", - делінген ресми хабарламада.

Айта кетелік, мамыр айында Бобровниковаға Ходжкин лимфасы диагнозы қойылды. Маусым айында ол төрт курс химиотерапия қабылдап, компьютерлік томографиядан өткен.

Қазіргі таңда спортшының денсаулығы жақсарып келеді.

35 жастағы Бобровникова 2012 жылдан бері "Ростов-Дон" клубында өнер көрсетті. Ол Ресей құрамасы сапында Рио Олимпиадасының алтын, Токио Олимпиадасында күміс медаль иеленген.