Қазақстанның бірінші ракеткасы тарихи нәтижеге қол жеткізді

Кәсіби теннисшілер қауымдастығы (ATP) рейтингті жаңартты. Бұл туралы Қазақстанның теннис федерациясы хабарлайды.

Ерлер арасында Қазақстанның бірінші ракеткасы Александр Бублик 27-ден 26-орынға көтерілді.

Тимофей Скатов 134-тен 136-ға, Михаил Кукушкин 223-тен 229-ға, Бейбіт Жұқаев 242-ден 270-ке төмендеді.

Жұптық сында алғаш рет ATP 250 турнирінің чемпионы атанған Александр Недовесов 53-тен 8 саты жоғарылап, әлемнің 45-ракеткасы атанды. Бұл – оның үздік көрсеткіші. Недовесов осыған дейін 48-орыннан аса алмап еді.

Әйелдер теннис қауымдастығы (WTA) жекелей және жұптық сындағы рейтингтің жаңартылған нұсқасын жариялады.

Үздік үштік өзгеріссіз қалған: көш басында польшалық Ига Швентек, одан кейін Беларусь өкілі Арина Соболенко және үздік үштікте Қазақстанның бірінші ракеткасы Елена Рыбакина. Тағы бір отандық теннисші Юлия Путинцева екі орын жоғарылап, 58-сатыға жайғасты.

Қазақстанның жұптық сындағы үздік теннисшісі Анна Данилина 25-орындағы орнын сақтап қалса. Жібек Құламбаева жеті орын жоғарылап, 179-орында тұр.