Таеквондодан Қазақстан құрамасының үздігі үйлену тойын дүркіретіп өткізді

Таеквондодан Қазақстан командасы үздіктерінің бірі Смайыл Дүйсебай шаңырақ көтерді. Бұл туралы ұлттық құрама мүшесі Жансель Дениз желіде хабарлады, деп жазады KAZ.NUR.KZ.

Смайылдың үйлену тойы Шымкент қаласында өтті. Тойға жиналған қонақтар қатарында бұрынғы спортшы Нұрсұлтан Мамаев, таеквондодан ұлттық құрама мүшесі Жансель Дениз бен өзге де таеквондошылар болды.

Әзірге, Смайылдың таңдауы түскен ару туралы мәліметтер жоқтың қасы.

Айта кетелік, Смайыл Дүйсебай таеквондодан олимпиадалық салмақта ел намысын қорғайды.

Ол Азия чемпионы, Азия чемпионаты мен жазғы Универсиаданың күміс жүлдегері.

Таеквондодан еліміздің бірнеше дүркін чемпионы.