Михаил Кукушкин Астанадағы турнирдің келесі кезеңіне шықты

Михаил Кукушкин Астанадағы турнирдің келесі кезеңіне шықты. Бұл туралы KAZ.NUR.KZ тілшісі хабарлайды.

Елордадағы ATP Challenger турнирінің алғашқы айналымында отандық теннисші Ресей өкілі Евгений Тюрневпен шеберлік байқасты.

Матчта Михаил Кукушкин 6:2, 6:0 есебімен қарсыласын қиындықсыз ұтты.

Енді екінші айналымда қазақстандық теннисші жапониялық Рента Токудамен ойнайды.

Айта кетейік, президент кубогы 2007 жылы халықаралық мәртебеге ие болды. Әр жылдары қазақстандықтар Михаил Кукушкин мен Андрей Голубев, украиналық Илья Марченко, аустриялық Себастьян Оффнер, Германия құрамасының қазіргі капитаны Райнер Шуттлер, Аустралия ашық чемпионаты мен Ролан Гарростың жеңімпазы, хорватиялық Иван Додиг, жұптық сында "Үлкен дулыға" турнирінің екі дүркін чемпионы, қытайлық Чжан Шуай секілді теннисшілер үздік шықты.

Мәтіннен қате тапсаңыз, бізге жазыңыз