Қазақстанның жұптық сындағы бірінші, әлемнің 25-ракеткасы Анна Данилина Германияның Гамбург қаласында өтіп жатқан WTA 250 турнирінің ширек финалына шықты. Бұл туралы KAZ.NUR.KZ тілшісі хабарлайды.
Турнирдің алғашқы айналымында отандық теннисші ресейлік Александра Пановамен бірге италиялық Нурия Бранкаччи - грекиялық Деспина Папамихаилмен шеберлік байқасты.
Бір сағатқа жуық уақытқа созылған матчта қазақстандық-ресейлік жұп қарсыластарын 6:0, 6:2 есебімен ұтты.
Енді олар Гамбург қаласында өтіп жатқан WTA 250 турнирінің жартылай финалына шығу үшін аустриялықтар Мелани Клаффнер - Синья Крауспен ойнамақ.
Мақаланың түпнұсқасы: https://kaz.nur.kz/sport/other-sports/2029938-qazaqstandyq-tennissi-germaniyadagy-turnirdin-sirek-finalyna-syqty/
