Кәсіби теннисшілер қауымдастығы рейтингті жаңартты. Бұл туралы Қазақстанның теннис федерациясы хабарлады.
Қазақстанның үздік теннисшісі Александр Бублик жаңартылған рейтингте 26-дан 25-орынға көтерілді.
Бұл – оның әлемдік рейтингтегі үздік көрсеткіші.
Жалпы, қазақстандық теннисшілер рейтингте өз көрсеткіштерін жақсарта алды.
Тимофей Скатов 136-дан 131-ге, Михаил Кукушкин 229-дан 227-ге, Бейбіт Жұқаев 270-тен 258-ге, Астанада Президент кубогы үшін челленджер турнирінің жеңімпазы атанған Денис Евсеев 412-ден бірден 340-қа, Дмитрий Попко 375-тен 370-ке жоғарылады.
Жұптық сында Александр Недовесов 45-орнын сақтап қалса, Андрей Голубев 82-ден 83-ке сырғыды.
Мақаланың түпнұсқасы: https://kaz.nur.kz/sport/other-sports/2030706-uzdik-korsetkis-qazaqstannyn-birinsi-raketkasy-alemdik-reitingte-tagy-koterildi/
