Елена Рыбакинаның басты қарсыласы әлемнің бірінші ракеткасы атанбақ

Беларусь спортшысы Арина Соболенко US Open турнирінің қорытындысы бойынша әлемнің бірінші ракеткасы атанады. Бұл туралы KAZ.NUR.KZ хабарлайды.

Әлемнің бірінші ракеткасы Ига Швентек турнирдің ширек финалына өте алмады. Ол латвиялық Елена Остапенкоға есе жіберген.

Осыдан соң Соболенко автоматты түрде әлемнің бірінші ракеткасы атанбақ. Ол турнирдің ширек финалына өтіп, ресейлік Дарья Касаткинаға қарсы ойнамақ.

Айта кетелік, Ига Швентек 2022 жылдың 4 сәуірінен бері WTA рейтингінде көш бастады. Содан бері бірінші орыннан түспеген ол енді төменге сырғиды.

АҚШ-тағы турнирдің қорытындысы қандай болса да, Арина Соболенко әлемдік рейтингте бірінші орынға шығады.

Соболенко Australia Open турнирінің финалында қазақстандық Елена Рыбакинаны ұтқан болатын.

Мәтіннен қате тапсаңыз, бізге жазыңыз