Ханчжоудағы XIX жазғы Азия ойындарындағы салтанатты ту көтеру рәсімінде Қазақстан Республикасының мемлекеттік туы көтерілді. Бұл туралы KAZ.NUR.KZ тілшісі хабарлайды.
Ту көтеру рәсімі Олимпиадалық қалашықта өтуде. Оған қазақстандық бапкерлер мен спортшылар қатысты.
Жаттықтырушылардан Мырзағали Айтжанов, Анна Яковлева болды.
Одан бөлек, Марат Джакиев, Ермек Ертаев, Джамиль Жусупов, Сәкен Бибосынов, Махмұд Сабырхан, Ертуған Зейнулинов, Асланбек Шымбергенов, Нұрбек Оралбай, Сағындық Тоғамбай, Қамшыбек Құнқабаев, Людмила Шерер, Вероника Степанюга, Балжан Қойшыбаева, Алена Дробовская, Анжелика Пичугина, Амина Төлегенова, Диана Әбішева, Нигора Нурматова, Анна Мельникова, Мария Гришина, Ксения Ким, Екатерина Савина, Алан Құрманғалиев, Сарвиноз Миркадирова сынды ел намысын қорғайтын спортшылар қатысты.
Қазақстанның көк туы көтерілгеннен кейін Ханчжоу төрінде еліміздің мемлекеттік әнұраны шырқалды.
Мақаланың түпнұсқасы: https://kaz.nur.kz/sport/other-sports/2037548-aziada-2023-xanczoudagy-tu-koteru-rasiminde-qazaqstannyn-memlekettik-tuy-koterildi-foto-video/
