Бүгін Ханчжоу қаласында XIX жазғы Азия ойындарының ашылу салтанаты өтуде. Оған 40 елдің үздік деп танылған спортшылары қатысты, деп хабарлайды KAZ.NUR.KZ.
Азия ойындарының ашылу салтанаты Олимпиадалық орталықтың стадионында өтеді.
Жазғы Азия ойындары 23-қыркүйек пен 8-қазан аралығында өтеді. Спорттық додаға 45 елден 15 мыңнан астам спортшы қатысады. Олар спорттың 40 түрінен 481 медаль үшін күресетін болады.
Қазақстан Республикасының құрамасы Азия ойындарының ашылу салтанатына қатысып, олимпиадалық орталықтың стадионында жүріп өтті. Еліміздің мемлекеттік туын боксшы Асланбек Шымбергенов пен жеңіл атлет Надежда Дубовицкая алып шықты.
Еске сала кетейік, Азия ойындарына 500-ден астам қазақстандық спортшы қатысады.
Бұған дейін Ханчжоудағы олимпиадалық қалашықта ту көтеру рәсімі кезінде Қазақстан Республикасының мемлекеттік туы көтерілген хабарлаған болатынбыз.
Оған қоса туризм және спорт министрі Қытайдағы Азия ойындарының ашылу салтанаты қарсаңында спортшылармен кездесіп, оларға сәттілік тіледі.
Мақаланың түпнұсқасы: https://kaz.nur.kz/sport/other-sports/2037838-aziya-oiyndarynyn-asylu-saltanaty-qalai-otip-zatyr-foto/
