Қазақстандық теннисші Анна Данилина Гонконгтегі турнирдің жұптық сынында екінші матчын өткізіп, жартылай финалға жолдама алды, деп хабарлайды KAZ.NUR.KZ.
Анна Данилина ресейлік Александра Пановамен бірге жұптық сында ресейлік дуэт Софья Лансере — Камилла Рахимовадан екі сет қорытындысы бойынша басым түсті – 6:3, 7:6.
Тартысты кездесу бір сағат 26 минутқа созылды. Бұл матч турнирдің ширек финалы аясында өтті.
Айта кетейік, отандық теннисші фин Харри Хелиоваармен жұпта АҚШ ашық біріншілігінде (US Open) чемпион атанған болатын.
Анна Данилина жұптық сында әлемнің 32-ші, ал еліміздің бірінші ракеткасы.
Мақаланың түпнұсқасы: https://kaz.nur.kz/sport/other-sports/2040942-qazaqstandyq-tennissi-gonkongtegi-turnirdin-zartylai-finalyna-otti/
