Айбек Тоқаев пен Әлімжан Исламбековтың жетістіктеріне қарап, қазақстандық жастар арасында киберспорттың танымалдығы артып келеді. Тек жігіттер арасында ғана емес, қыздар арасында да. Танымал стример және косплейер Әлия Бикбаеваның айтуынша, Дота ойнау арқылы мансап құруға болады.
Әлия – әлеуметтік желілерде аниме мен онлайн ойын кейіпкерлері сияқты киініп, танымал болған жан. Бірақ нәзік жанды ару болып көрінгенмен, Дота ойынында жойып, үстемдік етуге дайын құмар ойыншы болып отыр. ABQueen лақап атымен танымал Бекбаева өзінің Twitch-тегі оқиғалар туралы айтып, үнемі аудиториясымен бөлісіп отырады. Бұл әлемге қалай келгені туралы біз "патшайымның" өзімен сұхбаттасып, білдік.
Сіздің киберспорт пен косплейге деген құштарлығыңыз қалай басталды? Осыдан мансап құрауға болатынын қай сәтте түсіндіңіз?
Мен Dota ойынын 2017 жылы кездейсоқ бастадым. Сабақ арасындағы үзілістерде менің сыныптастарым компьютерлік клубқа барып жүрді, менің ішім пысқан соң, олармен бірге бардым. Олардан маған үйретуін өтіндім, бірақ менің өтінішіме жігіттер "Дотада қыздарға орын жоқ" деп күлді. Екі жыл уақыт өткен соң, мен олардың кез келгенінен жақсы ойнай алатын болдым.
Дотаның ойыншыларымен танысқан кезде менің бұл ойынға деген құмарлығым одан бетер арта түсті. Бірде олар мені бірлесіп жергілікті турнирге қатысайық деп шақырды. Біз жеңіске жетіп, ақшалай сыйлық алдық. Сол сәттен бастап, мен киберспортпен кәсіби түрде айналысқым келетінін түсіндім.
Сіздің ойыңызша, стриминг Қазақстанда қаншалықты танымал? Сіздің арнаңыз басқалардан несімен ерекшеленеді?
Біздің елімізде киберспорт пен стримингтің барлық саласы енді дамып келеді. Әркім өзіне контент таба алады немесе өз қалауы бойынша контент жасай алады. Мысалы, мен негізінен жай ғана Дота ойнаймын, алайда, мені қолдайтын өз аудиториям бар. Мен чатта сөйлескенді ұнатамын, стримдерімді үнемі тамашалайтындардың барлығы мен үшін өзінше қымбат.
Сіз бастаушы стримерлерге қандай кеңес бере аласыз?
Арнаны танымал етудің бірнеше нұсқасы бар. Біріншісі – жақсы "байт" ойлап табу. Ол неғұрлым қызықты болса, соғұрлым көп адамдар сіздің арнаңызға жазылады. Тәжірибе жасаудан және әрекет етуден қорықпаңыз! Екінші нұсқа – басқалар сізге қарап ойнауды үйренуі үшін кемел ойыншы болу. Үшіншісі – көзді тамсандыра алатындай өте әдемі адам болу.
Косплей туралы не деуге болады? Кейіп жасау көп ресурстарды қажет ете ме? Ең сүйікті деп қайсысын айта аласыз?
Мен барлық косплейімді бірдей жақсы көремін, сондықтан бөліп-жарып айта алмаймын. Менің ойымша, Дота-2-ден шыққан "Виндрейнджерді" атап өткім келеді, өйткені бұл менің алғашқы бейнем. Оның құны 120 мың теңге болды, бірақ одан да қымбатырақ бейнелер бар. Жалпы, косплей деген арзан дүние емес. Менің костюмдерім бір ай немесе одан да көп уақытқа тапсырыс бойынша жасалған. Бірақ сіз басқа адамға немесе кейіпкерге айналғанда сезінетін сезімдер барлық жұмсалған қаражатқа тұрарлық.
Жақын болашаққа қандай жоспарларыңыз бар?
Көңілді тәжірибе, жаңа көкжиектер және мансаптық өсу. Мен Қазақстанда киберспортты дамытуға белсенді түрде қатысқым келеді. Ол үшін мен тіпті өзіме Parimatch сияқты керемет серіктес таптым. Брендтің құндылықтары мен сипаттамалары маған сәйкес келеді, атап айтқанда олардың алған бағытының батылдығы ұнайды. Бізде бірлесіп жасаған көптеген қызықты жоба болатынына сенімдімін. Сондықтан менен жақсы жаңалықтар күтіңіздер!
*Букмекерлік кеңсенің қызметімен айналысу үшін, 31.12.2020 ж. (17.07.2028 жылға дейін жарамды) № 20019733 лицензия, "Қазақстан Республикасы Мәдениет және спорт министрлігінің Туризм индустриясы комитеті" РММ берілген.
Мақаланың түпнұсқасы: https://kaz.nur.kz/sport/other-sports/2041733-dota-qyzdarga-arnalgan-oiyn-emes-aliya-bekbaeva-qalyptasqan-stereotipterdi-buzuda/
