"Манчестер Ситидің" бұрынғы ойыншысы Марио Балотелли жол апатына түсті, деп хабарлайды KAZ.NUR.KZ "Адана Демирспор" футбол клубының Instagram-дағы ресми парақшасына сілтеме жасап.
Түркияның "Адана Демирспор" футбол клубының шабуылшсы Марио Балотелли Италияда жол апатына түсті. Оқиға 23 қараша кешке Брешианың көшесінде орын алған. Жол таңдамайтын Audi Q8 автокөлігін тізгіндеген Марионың денсаулығына еш зақым келген жоқ. Футболшы оқыс оқиғадан кейін темір тұлпардан аман-есен шығып, алғашқы медициналық көмек алды.
Айта кетейік, Марио Балотелли 2012 жылы Италия құрамасымен Еуропа чемпионатының күміс жүлдегері атанған. Сонымен қатар "Ливерпуль", "Милан", "Ницца" және "Манчестер Сити" сияқты еуропаның топ клубтарында доп тепкен.
Мақаланың түпнұсқасы: https://kaz.nur.kz/sport/other-sports/2047503-futbolsy-mario-balotelli-zol-apatyna-tusti/
