Қазақстандық теннисшілер Испаниядағы турнирдің ширек финалына өтті

Михаил Кукушкин мен Денис Евсеев Тенерифе (Испания) челленджер турнирінің ширек финалына жолдама алды. Бұл туралы KAZ.NUR.KZ тілшісі хабарлайды.

Михаил Кукушкин турнирдің екінші айналымында әлемдік рейтингте 235-орында тұрған франциялық теннисші Жоффри Бланканомен кездесті. Кукушкин екі сетте де қарсыласына дес бермей, 7:6, 7:6 есебімен жеңді. Енді қазақстандық теннисші жартылай финалға өту үшін әлемнің 379-ракеткасы, Испания өкілі Хавьер Косано Барранкодаға қарсы ойнайды.

Денис Евсеев екінші айналымда жарыстың 1-ракеткасы, италиялық Фабио Фоньиниден басым түсті ( 6:3, 1:6, 6:3). Евсеев осы ойында 5 эйс жасап, 12 брейк-пойнттың төртеуін пайдаланды. Оның ендігі қарсыласы – италиялық теннисші Самюель Винсент Руджери.

Айта кетейік, Тенерифе (Испания) челленджер турнирі 21 қаңтарға дейін жалғасады.

Мәтіннен қате тапсаңыз, бізге жазыңыз