Су спорты түрлерінен Қатарда өтіп жатқан әлем чемпионатында көркем жүзуден лицензия иегерлері анықталды. Бұл туралы KAZ.NUR.KZ Спорт комитетінің Instagram-дағы парақшасына сілтеме жасап хабарлайды.
Командалық сайыс қорытындысы бойынша Париж Олимпиадасының 5 жолдамасы ойнатылып, АҚШ, Испания, Жапония, Италия, Канада елдеріне квота бұйырды.
Ал командалық сайыста жолдама алған мемлекеттер дуэт сайысында да автоматты түрде қатысады. Қалған квоталар 5 құрлықтың үздіктеріне үлестіріледі.
Осыған орай, дуэт бағдарламасында Азия құрлығынан ең үздік нәтиже көрсеткен Қазақстан құрамасы Париж Олимпиадасында бақ сынауға мүмкіндік алды.
Ясмин Тұяқова менАрина Пушкина жұбы Ханчжоудағы жазғы Азия ойындарының қола жүлдегері ретінде Олимпиадаға өтті
Мақаланың түпнұсқасы: https://kaz.nur.kz/sport/other-sports/2060334-qazaqstan-quramasy-korkem-zuzuden-olimpiada-zoldamasyna-ie-boldy/
