Олимпиада жүлдегері Ақжүрек Таңатаров жаңа қызметке тағайындалды

Ақжүрек Таңатаров Жамбыл облысы әкімінің спортты дамыту жөніндегі кеңесшісі (штаттан тыс) болып тағайындалды. Бұл туралы KAZ.NUR.KZ Жамбыл облысы әкімінің баспасөз қызметіне сілтеме жасап хабарлайды.

Ақжүрек Таңатаров 1986 жылы Жам­был облысы Құлан ауданында дүниеге келген. Ол – ҚР еңбек сіңірген спорт шебері, 2012 жылы Лондонда өткен жазғы Олимпиада ойындарының еркін күрестен қола жүлдегері.

Еске салайық, өткен жылы Таңатаров Олимпиадалық резервтің Жамбыл облыстық мамандандырылған мектеп-интернат колледжінің басшысы қызметінен "заңсыз қуылғанын" айтқан еді.

Айта кетейік, осыған дейін Рио Олимпиадасының күміс жүлдегері Василий Левит Астана қаласының дене шынықтыру және спорт басқармасының басшысы болып тағайындалды. Василий бұл қызметке дейін Сыбайлас жемқорлыққа қарсы іс-қимыл агенттігі қызметкерлерді физикалық шынықтыру басқармасының басшысы болып жұмыс істеген еді.

Мәтіннен қате тапсаңыз, бізге жазыңыз