Блогер және комментатор Әлімжан Тасболатұлы англиялық "Челси" футбол клубынан шақырту алып, Лондонға аттанды. Бұл туралы KAZ.NUR.KZ Meta-ratings.kz порталына сілтеме жасап хабарлайды.
Дереккөздің мәліметінше, Әлімжан "Челсидің" кеңсесі мен стадионына барады. Сондай-ақ қазақстандық блогер "Челси" және "Ньюкасла" арасындағы матчқа қатысып, влог түсірмек. Осылайша Әлімжан Ұлыбританиядағы ең танымал клубтардың бірінде түсірілім жасаған алғашқы Қазақстан азаматы болғалы отыр.
Айта кетейік, Әлімжан Тасболатұлы – подскастарымен және влогтарымен танымал блогер. Ол жақында "One game" футбол клубының қатарына қосылды.
Еске салайық, тағы бір қазақстандық блогер Артур Асқарұлы Қазақстан футбол лигасының креатив директоры атанғанын жазғанбыз. Ол жаңа қызметтегі басты міндеті футболды насихаттау және бұл спортқа қызықпайтын адамның өзін барлық жаңалықтан хабардар етіп отыру екенін айтқан еді.
Мақаланың түпнұсқасы: https://kaz.nur.kz/sport/other-sports/2065088-qazaqstandyq-bloger-celsi-futbol-klubynan-saqyrtu-alyp-londonga-attandy/
