Қазақстан және Грекия құрамалары арасындағы ойыннан соң стадионды қоқыстан тазалаған жастар елді сүйсінтті (видео)

21 наурызда Қазақстан және Грекия құрамалары Ұлттар лигасының жартылай финалында кездесті. Ойыннан соң стадионды тазалаған жастар көпшілікті сүйсінтті, деп жазады KAZ.NUR.KZ.

Видео archibaaaalt TikTok желісіндегі парақшасында жарияланды.

Видеодан футбол жанкүйерлерінің ойын біткеннен кейін стадионды тазалап, қоқыс жинап жүргенін көруге болады.

"Жеңісте де, жеңілісте де ұлттық құрамамен біргеміз. Алға, Қазақстаным! Соңына дейін қолдау білдіру керек. Тазалық сақтап, адам болып қалуды ұмытпайық", – деп жазды видео авторы.

Еске сала кетейік, кеше Қазақстан және Грекия құрамалары Ұлттар лигасының жартылай финалында кездесті. Афинадағы "ОПАП" стадионында өткен ойын 5:0 есебімен Грекия командасының пайдасына шешілді.