Қазақстан Париж Олимпиадасында қандай нәтиже көрсетуі мүмкін: шетелдік сарапшылар болжам жасады

Gracenote-Nielsen аналитикалық агенттігінің сарапшылары Парижде өтетін жазғы Олимпиада ойындарында әр мемлекет қанша медаль жеңіп алатынына болжам жасады. Бұл туралы KAZ.NUR.KZ Gracenote-Nielsen агенттігінің ресми сайтына сілтеме жасап хабарлайды.

Агенттіктің болжамынша, Қазақстан құрамасы Париж Олимпиадасында 2 алтын, 1 күміс, 7 қола жүлде жеңіп алып, медаль кестесінде 26-орынға жайғасуы мүмкін.

Gracenote-Nielsen агенттігінің болжамы:

• 1. АҚШ – 39 алтын, 37 күміс, 47 қола;
• 2. Қытай – 35 алтын , 30 күміс, 24 қола;
• 3. Франция – 28 алтын, 18 күміс, 8 қола;
• 4. Ұлыбритания – 13 алтын, 23 күміс, 30 қола;
• 5. Аустралия – 13 алтын, 19 күміс, 18 қола;
• 17. Өзбекстан – 3 алтын, 2 күміс, 8 қола;
• 26. Қазақстан – 2 алтын, 1 күміс, 7 қола.

Айта кетейік, Қазақстан құрамасы Токио Олимпиадасында 8 қола жүлде иеленіп, медаль кестесінде 83-орынға жайғасқан еді.