Англиялық "Манчестер Юнайтед" футбол клубының қақпашысы Андре Онананың үйін қазақтар салып жатыр. Бұл туралы KAZ.NUR.KZ Turkistan TV телеарнасының Youtube арнасына сілтеме жасап хабарлайды.
Арыс қаласының тумасы Таңғат Ертай 5 жыл бұрын Африка құрлығындағы Камерун республикасына жұмыс бабымен көшіп барған. Қазір ол Камерунда отбасымен бірге тұрады. Сондай-ақ қазақстандық азамат ірі құрылыс компанияларының бірінде қаржы директоры болып жұмыс істейді.
Камерунда дүниеге келген әйгілі футболшы Андре Онана жақында туған жеріне барып, ата-анасына үй салып беруді шешіпті. Спортшы бұл істі Таңғат Ертайға сенім тапсырған.
"Андре Онаның үйін салуды бастадық. Ол анда-санда туған жеріне келіп тұрады, бірақ негізі бұл жақта тұрмайды. Ата-анасына үй салып беруді шешіп, бізге тапсырыс берді. Білуімше, Камерун атақты футболшыларға толы", – деді Таңғат Ертайдың жұбайы Нұрдина Жұмабай.
Нұрдина – қылқалам шебері. Ол жолдасы тұрғызған үйлерге картина салумен айналысады. Алдағы уақытта жас отбасы елге оралып, мансабын жалғастыруды жоспарлап отыр.
Мақаланың түпнұсқасы: https://kaz.nur.kz/sport/other-sports/2088908-aigili-mancester-yunaited-futbolsysynyn-uiin-qazaqtar-salyp-zatqanyn-bilesiz-be/
