UFC-де бақ сынап жүрген, аралас жекпе-жекте жеңіліс көрмеген қазақстандық Шавкат Рахмонов төртінші рет әке атанды. Бұл туралы Sport_Kor Instagram-парақшасына сілтеме жасап, KAZ.NUR.KZ хабарлайды.
Ақпаратты спортшы жаттығатын DAR PRO TEAM командасының баспасөз қызметі ресми аккаунтына репост жасап растады.
Әйгілі күрескердің жұбайы дүниеге қыз бала әкелді. Ол отбасының төртінші баласы, әзірге атын кім деп қойғаны белгісіз. Айта кетейік, Шавкат Рахмоновтың енді үш қыз, бір ұлы бар. Үлкен баласы алты жаста, екінші қызы төрт жаста, ұлы екі жаста екені белгілі.
Қазақстандық UFC жартылай орта салмақтағы үздік үштіктің бірі саналады. Ол соңғы рет 2023 жылы 17 желтоқсанда танымал Стивен Томпсонды жеңген болатын.
Мақаланың түпнұсқасы: https://kaz.nur.kz/sport/other-sports/2089280-savkat-raxmonovtyn-tortinsi-balasy-duniege-keldi/
