Ерлер арасындағы жекелей сында Қазақстанның 3-ракеткасы Михаил Кукушкин теннистен Францияның ашық біріншілігінің іріктеу кезеңінің жеңімпаздарының бірі болды. Бұл туралы KAZ.NUR.KZ тілшісі хабарлайды.
Әлемдік рейтингте 135-орында тұрған спортшы екі біліктілік айналымынан өтіп, шешуші кезеңге өтті. Ролан Гарростың негізгі торындағы орынға ол италиялық Франческо Маэстреллимен — әлемнің 206-ракеткасымен таласқа түсті.
Кукушкин 6:4, 6:7 (4:7), 6:3 есебімен жеңіске жетті. Матч 2 сағат 40 минутқа созылды.
"Ролан Гаррос" негізгі торының бірінші айналымында қазақстандықтың кіммен ойнайтыны әлі белгісіз. Бұл ретте еліміздің үздік теннисшісі Александр Бубликтің бастапқы кезеңде қарсыласы біліктілік жеңімпаздарының біреуі болады.
Сондай-ақ бұған дейін Қазақстанның екінші ракеткасы Александр Шевченко өзінің алғашқы қарсыласын білді.
Мақаланың түпнұсқасы: https://kaz.nur.kz/sport/other-sports/2106696-qazaqstandyq-tennisshi-biliktiligimen-rolan-garrostyng-negizgi-ainalymyna-zhol-tartty/
