"Қазақ футболының жанкүйерімін": боксшы Абылайхан Жүсіпов ұлттық құраманы қолдайтынын айтты

Бокстан әлем чемпионатының үш дүркін қола жүлдегері, кәсіпқой боксшы (4-0) Абылайхан Жүсіпов осы аптада әуесқой боксқа оралатынын мәлімдемеді. Сонымен қатар қазақ футболының жанкүйері екенін де айтты, деп хабарлайды KAZ.NUR.KZ тілшісі.

Қазір Шымкентте өтіп жатқан оқу-жаттығу жиынында шеберлігін шыңдап, тәжірибесін толықтырып жүрген Абылайхан Жүсіповке KAZ.NUR.KZ тілшісі көкейдегі сауалдарды қойып, аз-кем тілдесті. Атап айтқанда отандық футбол туралы да ойын айтты.

– Отандық футболды тамашалап тұрасыз ба? Қазақстан ұлттық құрамасының матчтарын қаншалықты жиі тамашалап тұрасыз?

– Негізі футболды жиі тамашалап тұрамын деп айта алмаймын. Бірақ ұлттық құраманың ойынын жібермей көремін. "Шахтер" мен "Ордабасы" футбол клубтарының ойындарын стадионнан тамашалағаным да есімде. Жалпы айтқанда, қазақ футболының жанкүйерімін.

Айта кетейік, кәсіпқой бокстан әуесқойға оралған Абылайхан Жүсіпов KAZ.NUR.KZ тілшісіне эксклюзив сұқбат берген еді. Спортшы мансабындағы жоспарлары мен Олимпиада ойындары туралы сауалдарға жауап берді.

Мәтіннен қате тапсаңыз,бізге жазыңыз