![Халықаралық Олимпиада комитетінің 142-сессиясы Халықаралық Олимпиада комитетінің 142-сессиясы](https://cdn.nur.kz/images/1120x630/e25ed6bf76f2cc17.jpeg)
2034 жылғы қысқы Олимпиада ойындары АҚШ-тың Солт-Лейк-Сити қаласында өтеді. Бұл туралы KAZ.NUR.KZ Халықаралық Олимпиада комитетінің ресми сайтына сілтеме жасап хабарлайды.
Бұл туралы Халықаралық Олимпиада комитетінің (ХОК) 142‑сессиясында белгілі болды. Аталмыш жиында Солт-Лейк-Ситиге халықаралық Олимпиада комитетінің 83 делегаты дауыс берді, ал 6 делегат қарсы болды.
Солт-Лейк-Сити 2034 жылғы қысқы Олимпиада ойындарын өткізуге жалғыз үміткер болды, ХОК қараша айында байрақты бәсекені аталмыш қалада өткізу туралы эксклюзивті келіссөздерді бастап кеткен еді.
Солт-Лейк-Сити 2002 жылы да қысқы Олимпиада ойындарын ұйымдастырған болатын. Алдағы қысқы Олимпиада 2026 жылы Италияның Милан және Кортина-д’Ампеццо қалаларында 6-22 ақпан аралығында өтеді.
Айта кетейік, Халықаралық Олимпиада комитетінің 142-сессиясындағы дауыс беру қорытындысы бойынша, 2030 жылғы қысқы Олимпиада ойындары Франциядағы Альпі тауларында өтетінін жазған болатынбыз.
Мақаланың түпнұсқасы: https://kaz.nur.kz/sport/other-sports/2140231-2034-zhylgy-qysqy-olimpiada-oiyndary-qai-qalada-otetini-belgili-boldy/