Көкпардан Қазақстан құрамасы Астанада өтіп жатқан V Дүниежүзілік көшпенділер ойындарының іріктеу кезеңінде Өзбекстан командасын ірі есеппен жеңді. Бұл туралы KAZ.NUR.KZ тілшісі хабарлайды.
"Қазанат" ипподромында өткен бәсекеде Қазақстан құрамасы 16:0 есебімен басым түсті.
Айта кетейік, V Дүниежүзілік көшпенділер ойындарындағы көкпар жарысына 9 мемлекеттен 104 спортшы қатысып жатыр. Қазақстан мен Өзбекстаннан бөлек АҚШ, Ресей, Қырғызстан, Мажарстан, Қытай, Моңғолия және Түркия мемлекетінің құрамалары өзара мықтыны анықтайды.
13 қыркүйекке дейін жалғасатын V Дүниежүзілік көшпенділер ойындарына әлемнің 89 елінен 2430 қатысушы тіркелген. Бұл додаға Қазақстан құрамасынан 261 спортшы қатысады. Көшпенділер ойындарында 21 спорт түрі бойынша 97 медаль жиынтығы сарапқа салынады.
Мақаланың түпнұсқасы: https://kaz.nur.kz/sport/other-sports/2159004-koshpendiler-oiyndary-kokpardan-qazaqstan-quramasy-ozbekstandy-aiqyn-basymdyqpen-zhengdi/
