Астанада өтіп жатқан V Дүниежүзілік көшпенділер ойындарында Қазақстан құрамасы жиырма бесінші алтынына қол жеткіздіп, жеке дара көш бастады. Бұл туралы KAZ.NUR.KZ хабарлайды.
Бүгін, 11 қыркүйекте бес асықтан Қазақстан қыздар құрамасы V Дүниежүзілік көшпенділер ойындарының жеңімпазы атанып, ел қоржынына жиырма бесінші алтынды салды.
А тобында қарсылас шақ келтірмей алғашқы орынмен ақтық сынға жолдама алған Қазақстан қыздар құрамасы финалда Ресей спортшыларымен бақ сынасты. "Алау" мұз айдыны кешенінде өткен финалдық финалдық бәсекеде қазақстандық спортшылар қарсыластарын 3:0 есебімен жеңді.
Бес асықтан Қазақстан қыздар құрамасы топтық кезеңде Қырғызстан, Мажарстан, Швеция және Румыния құрамаларын жеңіп, финалға жолдама алған болатын.
V Дүниежүзілік көшпенділер ойындарының медаль кестесінде қазіргі уақытта Қазақстан құрамасы 25 алтын, 12 күміс, 18 қола медаль еншілеп, жеке дара көш бастап келеді.
Айта кетейік, Көшпенділер ойындары 13 қыркүйекке дейін жалғасады. Дүбірлі додаға әлемнің 89 елінен 2430 спортшы қатысып жатыр.
Мақаланың түпнұсқасы: https://kaz.nur.kz/sport/other-sports/2160214-koshpendiler-oiyny-qazaqstan-quramasy-25-altynyna-qol-zhetkizdi/
