Нұрбек пен Айбек Оралбайдың ата-анасы ұлдарының жеке бапкеріне көлік мінгізді (видео)

Қазақстандық боксшылар Нұрбек Оралбай мен Айбек Оралбайдың ата-анасы ұлдарының жеке жаттықтырушысы Асқар Еркебаевқа көлік мінгізді. Бұл туралы KAZ.NUR.KZ хабарлайды.

Ағайынды Нұрбек Оралбай мен Айбек Оралбайдың жеке бапкері Асқар Еркебаев Instagram желісіндегі ресми парақшасында шәкірттерінің ата-анасы оған көлік сыйлаған видеосын жариялады.

"Асекеңнің туған күніне орай оған көлік сыйламақшымыз. Отбасымыздан атынан құттықтап жатырмыз. Темір тозса да, өздері тозбасын", - деді боксшылардың әкесі Рахат Қуандықов.

Асқар Еркебаев та көрсетіліп жатқан сый-сияпатқа өз ризашылығын білдірді.

"Өнегелі отбасыдан үлгілі ұрпақтар өседі. Шәкірттерім мен ата анасының еңбегімді ерекше елеп, құрмет, сый-сияпат жасап жатқандарына Алла разы болсын. Шәкірттерім өсті, енді маған мотивация беріп жатыр деген осы сәт екен… Бір бірлерімізге деген құрмет-сыйымыз ешқашан таусылмасын", - деп жазды Асқар Еркебаев әлеуметтік желідегі парақшасына.

Айта кетейік, Асқар Еркебаев – ағайынды боксшылар Нұрбек Оралбай мен Айбек Оралбайдың жеке жаттықтырушысы. Парижде өткен жазғы Олимпиадада да шәкірті Нұрбек Оралбай күміс медаль иеленген еді.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз