"Астана" баскетбол клубы ВТБ Бірыңғай лигасының тұрақты чемпионатының өз алаңында мәскеулік ЦСКА-дан жеңілді. Бұл туралы KAZ.NUR.KZ тілшісі хабарлайды.
Кездесу "Жақсылық Үшкемпіров атындағы жекпе-жек сарайында" өтті. ВТБ Бірыңғай лигасының қазіргі чемпионы атағы бар қонақтар төрт ширектің барлығында жеңіске жетті. Жалпы есеп 93:48.
Алаң иелері сапындағы ең нәтижелі ойыншы америкалық шабуылшы, Узодинма Утоми болды. Ол кездесу барысында 15 ұпай жинап үлгерді.
Жаңа маусымның басында "Астана" төрт кездесуде де жеңіліп қалды. Қазіргі уақытта елордалықтар ВТБ Бірыңғай лигасының турнирлік кестесінің соңғы орынында тұр. Келесі кездесуде "Астана" 6 қазанда өз алаңында "Автодорды" қабылдайды.
Мақаланың түпнұсқасы: https://kaz.nur.kz/sport/other-sports/2169111-qatarynan-4-zhengilis-astana-basketbol-kluby-reseilik-komandadan-iri-eseppen-zhengildi/
