Жеңіл атлетикадан Қазақстан құрамасының өкілі Дэйзи Джепкемей Францияның Бельфор қаласында өтіп жатқан жартылай марафонның жеңімпазы атанды. Бұл туралы KAZ.NUR.KZ Olympic.kz сайтына сілтеме жасап хабарлайды.
Дэйзи Джепкемей белгіленген межені 1 минут 07:54 секундта жүгіріп өтіп, мәреге бірінші болып келді.
Бұл жарыста екінші орынды Угандадан келген Аннет Челангат алды. Оның нәтижесі – 01:09:58.
Сонымен бірге эфиопиялық жеңіл атлет Меселу Кахсай қола жүлдеге ие болды (01:10:18).
Айта кетейік, Дэйзи Джепкемей – Кения тумасы. Ол 2022 жылдан бері Қазақстан атынан өнер көрсетіп жүр.
Сондай-ақ Дэйзи Джепкемей Париж Олимпиадасында 3000 метрге кедергімен жүгіру сайысының іріктеу кезеңінде сынға түскен еді. Ол белгіленген межені 9 минут 24,69 секундта жүгіріп өтіп, 10-орын алған болатын.
Мақаланың түпнұсқасы: https://kaz.nur.kz/sport/other-sports/2169277-qazaqstandyq-zhengil-atlet-deizi-dzhepkemei-frantsiiadagy-turnirde-top-zhardy/
