Қазақстандық теннисші Зарина Дияс Түркияның Кайсери қаласында өткен ITF W50 турнирінде жекелей сында жеңімпаз атанды. Бұл туралы KAZ.NUR.KZ хабарлайды.
Кеше, 20 қазанда Қазақстанның төртінші ракеткасы Түркиядағы турнирдің финалында белоруссиялық Алена Фалеймен кездесті.
Үш сетке созылған кездесуде Зариян Дияс 0:6, 6:4, 6:3 есебімен жеңіске жетті. Осылайша қазақстандық теннисші ITF санатында жекелей сында оныншы рет топ жарды.
Зарина Дияс әлемдік рейтингте 488-орынға жайғасса, қарсыласы Алена Фалей 224-орыннан көрінді.
Айта кетейік, Зарина Дияс жарақатына байланысты екі жыл теннис алаңынан көрінбеген еді. Тек осы жылдың мамырында қайтадан халықаралық турнирде бақ сынай бастады.
Мақаланың түпнұсқасы: https://kaz.nur.kz/sport/other-sports/2176613-qazaqstandyq-tennisshi-uzaq-uzilisten-keiingi-algashqy-titulyna-qol-zhetkizdi/
