Елордалық "Астана" баскетбол клубы ВТБ Бірыңғай лигасы аясында сырт алаңда ресейлік "Автодор" командасынан жеңіліп қалды. Бұл туралы KAZ.NUR.KZ хабарлайды.
"Астана" баскетбол клубы сырт алаңда "Автодордан" 81:88 есебімен жеңіліс тапты.
Бірінші кезеңде астаналық клуб басым түскен болатын (18:17), бірақ екінші және үшінші кезеңдерде "Астана" баскетболшылары есе жіберіп қойды (17:24, 17:23). Ал соңғы кезеңде астаналықтар 29:24 есебімен басымдық танытса да, жалпы есепте жеңіліс тапты.
Осылайша "Астана" баскетбол клубы қатарынан 11-жеңілісіне ұшырады.
Естеріңізге сала кетейік, чемпионат басталғалы елордалық клуб барлық кездесуде жеңіліп қалды. Сондай-ақ 27 қазанда "Астананың" бас бапкері Фотис Такианос қызметінен босатылды.
"Автодорға" қарсы матчта команда бас бапкердің міндетін атқарушы Глеб Плотниковтың жетекшілігімен ойнады.
Мақаланың түпнұсқасы: https://kaz.nur.kz/sport/other-sports/2181012-11-oiynda-11-zhengilis-astana-basketbol-kluby-tagy-da-ese-zhiberip-qoidy/
