UFC-дің ең сұлу аруы мінсіз мүсінімен көпшілікті тәнті етті (фото)

Аралас жекпе-жек шебері Трейси Кортес Instagram желісіндегі ресми парақшасында жариялаған жаңа суреттерімен жанкүйерлерін таңдай қақтырды. Бұл туралы KAZ.NUR.KZ тілшісі хабарлайды.

Трейси Кортес UFC-дің әйелдер арасындағы жеңіл салмақ дәрежесіндегі үздік спортшылар рейтингінде 12-орында тұр. Жақында спортшы Канадаға барып, сол жерден ММА жанкүйерлерін ғана емес, жалпы оқырмандарын таңдай қақтырған бірнеше суретін жариялады.

30 жастағы спортшы Трейси Кортес кәсіби мансабында 13 жекпе-жек өткізіп, оның 11 мәрте жеңіске жеткен.

Трейси – АҚШ азаматы, ол 1993 жылы 10 желтоқсанда Аризона штатының Финикс қаласында дүниеге келген. Спортшының негізгі тегі Мексикадан шыққан, сондықтан оның ата-анасы сол елден қоныс аударған. Сол себепті Трейси октагонға екі елдің туын қатар алып шығады.

Трейси Кортес аралас жекпе-жекпен 14 жасынан айналыса бастады. Ол кезде теледидардан ағасы Хосенің жекпе-жегін көріп, спортқа қызығушылық танытты. Осыдан кейін ата-анасынан өзін спорт үйірмесіне жазуды өтінген. Міне, болашақ спортшының жолы сол жерден басталды.

Сондай-ақ осы жазда америкалық спортшы салмақ өлшеу рәсімі кезінде белгілі шектен асып кетпеуі үшін бір тал шашын кескен болатын.

Трейсиге ММА әлемінің есігін ашқан ағасы Хосе Кортес 2011 жылы қатерлі ісік ауруынан қайтыс болды. Екі салмақ дәрежесі бойынша UFC-дің бұрынғы чемпионы Генри Сехудо Трейси Кортеске қиын кезеңнен аман өтуге көмектесті.

Трейси Кортестің кәсіби мансабы сәтсіз басталды деуге болады. Ол өзінің алғашқы жекпе-жегінде жеңіліп қалды. Алайда Трейси бұдан кейін берілмей, қатарынан 10 жекпе-жегінде жеңіске жетті және қазір ол әлемдегі ең танымал промоушеннің үздік спортшыларының бірі болып саналады.

Трейсидің өмірінде Қазақстанға қатысты оқиға да бар. Трейси Кортес UFC-ге Дана Уайттың Contender Series іріктеу турнирі арқылы келді. 2019 жылғы турнирде оның қарсыласы қазақстандық Мария Агапова болды. Сол жекпе-жекте Трейси Кортес төрешілердің бірыңғай шешімімен жеңіске жетті.

Айта кетейік, Трейси Кортес келесі жекпе-жегін 15 желтоқсанда АҚШ-тың Тампа қаласында өтетін UFC Fight Night турнирінде өткізеді. Оның қарсыласы – америкалық Миранда Маверик.