Елордалық "Астана" баскетбол клубы ВТБ Бірыңғай лигасының кезекті чемпионатында он үшінші жеңілісіне ұшырады. Бұл туралы KAZ.NUR.KZ хабарлайды.
ВТБ лигасының 13-туры аясында "Астана" баскетбол клубы ресейлік "Локомотив-Кубань" командасымен кездесті.
Астанадағы "Сарыарқа" спорт кешенінде өткен ойында "Астана" баскетбол клубы 59:93 есебімен жеңілді.
Ойынның бірінші ширегінде отандық клуб қарсыласынан екі ұпайға озып кетті (15:13). Алайда екінші кезеңде астаналықтар айтарлықтай нашар өнер көрсетіп, қарсыластарына есе жіберді (13:32). Сонымен қатар, үшінші және төртінші ширектерде де (19:20, 12:28) елордалық команда жеңіліске ұшырады.
Айта кетейік, ВТБ лигасының биылғы маусымында "Астана"13-ойын қатарынан жеңіліс тапты.
Мақаланың түпнұсқасы: https://kaz.nur.kz/sport/other-sports/2185545-astana-basketbol-kluby-13-oiyn-qatarynan-zhengilisten-koz-ashpai-keledi/
