Қырғызстан президенті Садыр Жапаров танымал боксшы Дмитрий Биволға қымбат автокөлікті сыйға тартты. Бұл туралы KAZ.NUR.KZ Sport АКИpress сайтына сілтеме жасап хабарлайды.
Қырғызстан президенті Садыр Жапаров танымал боксшы Дмитрий Биволға Rolls-Royce Silver Shadow маркалы люкс автокөлігін сыйға тартты.
Бұл ерекше сәтті боксшы Дмитрий Бивол Instagram желісіндегі ресми парақшасында фото және видео ретінде жариялады.
Автокөліктің кілтін Дмитрий Биволға президент Садыр Жапаровтың ұлы Рустам Жапаров табыстады.
Айта кетейік, Дмитрий Бивол 1990 жылы 18 желтоқсанда Қырғызстанның Тоқмақ қаласында дүниеге келген. Бірақ қазіргі таңда Ресей атынан сынға түсіп жүр.
13 қазанда Сауд Арабиясының Эр-Рияд қаласында Артур Бетербиев пен Дмитрий Бивол абсолютті әлем чемпионы атағы үшін жекпе-жек өткізді. 12 раундқа жоспарланған бұл жекпе-жекте Артур Бетербиев төрешілердің бірыңғай шешімімен (114:114, 115:113, 116:112) жеңіске жетіп, абсолютті әлем чемпионы атанды.
Сондай-ақ Шешенстан басшысы Рамзан Қадыров былғары қолғап шебері Артур Бетербиевке кәсіпқой бокстағы осы жеңісі үшін автокөлік сыйға тартты.
Мақаланың түпнұсқасы: https://kaz.nur.kz/sport/other-sports/2186744-qyrgyzstan-prezidenti-tanymal-boksshy-dmitrii-bivolga-temir-tulpar-syiga-tartty-video/
