"Астана" баскетбол клубы ВТБ бірыңғай лигасы аясында ресейлік "Нижний Новгород" клубына есе жіберіп қойды. Бұл туралы KAZ.NUR.KZ хабарлайды.
Елордалық "Астана" баскетбол клубы сырт алаңда ресейлік "Нижний Новгород" командасымен ойнап, 69:87 есебімен жеңіліс тапты.
"Астана" командасы ойынның барлық төрт кезеңінде жеңіліс тапты (19:23, 18:20, 14:25, 18:19).
ВТБ бірыңғай лигасының биылғы маусымында елордалық "Астана" баскетбол клубы әлі бірде-бір жеңіске жете алмады. Биылғы маусымда қазақстандық клуб 14 матч өткізіп, 14 рет жеңіліс тапты.
"Нижний Новгород" командасына қарсы ойындағы сәтсіздік жаңа бас бапкердің жетекшілігімен болған төртінші жеңіліс еді.
ВТБ бірыңғай лигасының биылғы маусымында мәскеулік ЦСКА клубы 25 ұпаймен көш бастап келеді.
Айта кетейік, "Астана" баскетбол клубы келесі ойынын 16 қарашада ЦСКА-ға қарсы өткізеді.
Мақаланың түпнұсқасы: https://kaz.nur.kz/sport/other-sports/2187123-14-oiynda-14-zhengilis-astana-basketbol-kluby-mausym-bastalgaly-zhengilisten-koz-ashpai-keledi/
