Қазақстан полицейлері Нидерландының Айберген қаласында өткен шағын футболдан World Police Indoor Soccer Tournament халықаралық турнирінің жеңімпазы атанды. Бұл туралы KAZ.NUR.KZ Шымкент қалалық полиция департаментінің баспасөз қызметіне сілтеме жасап хабарлайды.
ПД Instagram-дағы мәліметінше, бұл жарыс 1982 жылдан бері өткізіліп келеді және жыл сайын әлемнің түкпір-түкпірінен түрлі мемлекеттік құрылымдардың қызметкерлерін жинайды.
Өткен жылы турнирге 25 елден 106 команда қатысқан. Биыл да қатысушылар саны сол деңгейде болған. Қазақстан ІІМ намысын Шымкент қаласы полиция департаментінің бастығының орынбасары полиция полковнигі футболдан спорт шебері Нұрлан Қарабаев бастаған команда қорғады. Олар жоғары дайындық деңгейін көрсетіп, 1-орын иеленді.
Мақаланың түпнұсқасы: https://kaz.nur.kz/sport/other-sports/2192537-shymkent-politsiiasy-gollandiiada-otken-shagyn-futbol-turnirinde-zhengimpaz-atandy-video/
