Елордалық "Астана" баскетбол клубы ВТБ Бірыңғай лигасы аясында ресейлік "Енисейден" ұтылып, чемпионатта жеңіске жете алмай келеді. Бұл туралы KAZ.NUR.KZ хабарлайды.
Кездесу Красноярскіде өтіп, 90:73 есебімен алаң иелерінің жеңісімен аяқталды. "Астана" баскетбол клубы тек соңғы ширекте басым түсе алды. Бірақ та мұның өзі жеңіске жетуге көмектесе алмады.
Кездесудің ең нәтижелі баскетболшысы "Астананың" америкалық шабуылшысы Узодинма Утонми болды. Ол 23 ұпайға ие болды, сонымен қатар екі нәтижелі пас бере білді.
Айта кетейік, ВТБ Бірыңғай лигасының биылғы маусымында "Астана" 22 матчтың барлығында жеңіліп, турнир кестесінің соңғы 12-орнында тұр. Қазақстан құрамасы келесі кездесуін жаңа жылда өткізеді. 5 қаңтарда елордалықтар өз алаңында Мәскеудің ЦСКА командасын қабылдайды.
Мақаланың түпнұсқасы: https://kaz.nur.kz/sport/other-sports/2205206-22-oiynda-22-zhengilis-astana-vtb-birynggai-ligasynda-zhengiske-zhete-almai-keledi/
