Қазақстандық конькиші Польшадағы Әлем кубогы кезеңінде жеңімпаз атанды (видео)
Опубликовано:
Конькимен жүгіруден Қазақстан құрамасының спортшысы Евгений Кошкин Польшадағы Әлем кубогы кезеңінде алтын медаль жеңіп алды, деп хабарлайды Ұлттық Олимпиада комитеті.
Польшаның Томашув-Мазовецк қаласында өткен жарыста Евгений Кошкин 500 метр қаштыққа жүгіруден жоғары нәтиже көрсетіп, жеңімпаз атанды. Оның мәреге жеткен уақыты – 34,52 секунд.
Екінші орынды канадалық Лорен Дюбрель иеленді – 34,70 секунд. Қола медаль польшалық Марек Канияға бұйырды – 34,76 секунд.
Спортты дамыту дирекциясының мәліметінше, Қазақстан соңғы рет Әлем кубогы кезеңінде алтын медальді 2011 жылы командалық спринтте жеңіп алған.
Естеріңізге сала кетейік, бұған дейін спорттық гимнастикадан ұлттық құрама көшбасшысы Милад Карими Германияның Котбус қаласында өтіп жатқан Әлем кубогінің бірінші кезеңінде алтын медаль жеңіп алған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2223105-evgenii-koshkin-konkimen-zhugiruden-polshadagy-alem-kubogynyng-kezenginde-zhengimpaz-atandy/