Қазақстандық конькимен жүгіруші қатарынан екінші рет Әлем кубогында медаль алды

Нидерландтың Херенвен қаласында өткен Әлем кубогының кезеңінде қазақстандық Евгений Кошкин қола медаль алды, деп хабарлайды KAZ.NUR.KZ тілшісі.

Спортшы 500 метр қашықтықта үздіктер қатарынан көрінді. Ол мәреге 34,30 секундта жетіа, жеке рекордын орнатты. Осылайша, Кошкин үшінші орын алып, қола жүлдеге қол жеткізді.

Еске салайық, бұған дейін Кошкин Польшада өткен Әлем кубогының кезеңінде топ жарған еді.

Херенвендегі жарыста нидерландтық Дженнинг де Бу (34,18) жеңіске жетті. Күміс америкалық Джордан Штольцке (34,27) бұйырды, ол осы спорт түрінен Әлем кубогының жалпы кестесінде көш бастады.

Әйелдер арасында қазақстандық Кристина Силаева 500 метр қашықтықта жарысып, 12-орынға (38,14) ие болды.

Херенвендегі кезең 2 наурызға дейін жалғасады.

Мәтіннен қате тапсаңыз, бізге жазыңыз